Fit for Life
Fit for Life ass en edukativen Programm deen sech u Schüler am Alter vu 14 bis 16 Joer richt. Dëse Programm gëtt et zu Lëtzebuerg säit 2008. Duerch dëse Programm léieren déi jonk Schüler hier perséinlech Optiounen an der Finanzwelt, an der Educatioun an an hirer zukünfteger Karriär kennen. De Programm setzt sech zesummen aus 6 didakteschen Unitéiten:
- Geld
- Budget
- Assurancen
- Prêt
- Eegen Kompetenzen, Interêten & Valeuren
- Reflexioun
Professionell Benevollen kommen an d’Schoulklassen vir dësen Kuer mat de Jonken ofzehalen. Duerch praktesch Beispiller léieren d’Schüler besser de Link ze maachen tëschent deem wat Sie an der Schoul léieren an der Matière vum Fit for Life Programm. Sie léieren wéi Sie aktiv a mat Succès un der Weltekonomie deelhuelen kënnen.
